Ji Spanya: “Nameyeke vekirî ji bo Leyla Zana”

Birêz Leyla Zana:

Ez, ji we re vê nameya vekirî, bi mûnasebeta “Gera Galîsya”, a ku we di kêliya dawî de îptal kirî, dinivisînim. Ji ber vê yekê, feyde heye ku, bûyerên di vê navberê de qewimîne, ez cardin bi we bidim bibîranîn.

Li Galîsya ya ku herêmek otonom a Îspanya yê ye û xelk ek cûda lê dijî, Midûriyeta Piştgirî û Ciwaniyê ku grêdayî Cîgirayetiya Serokwezîrê Hikûmeta Galîsya yê ye, ev çar sale, di bin navê “DANÛSTANDIN”an (conversascon:) de rêzekonferansên lidardixe. Ji her deverên cûda yên cîhanê rewşenbîr, rêveber, nivîskar, profesor, parêzerên mafên mirovan, derhênerên sînemayê, rayedarên gellê bindest, siyasetvan tevlî van konferansa bûne û dibin. Di nav van kesên heta niha tevlî bûyî de, ev nav vêga tên bîra min. Derhênerê navdar yê brîtanî Ken Loach, Serokwezîrê Katalonya yê Berê Jordi Pujol, Bavê hûnermendê bi navûdeng Manu Chao, Ramon Chao, Cigirê Serokwezîrê Galîsya Anxo Quintana, rewşenbîr û siyasetvanê Filîstînî Mustafa Barghouthi, parazvanê gellên berê yên Emerîka Latînî Nina Pacari’yê Ekwatorî, temsîldarê gellê Sahara Jadiya Hamdi, nûnera Dayîkên Plaza Del Mayo yên Arjantînî Elsa Sanches de Oesterheld, xwediyê Xelata Aşitî ya Nobel’ê Adolfo Perez Esquivel’ê Arjantînî, tenê çend kes ji bêşdarvanê van konferansa bûn.

Li ser pêşniyara hevalekî Galîsyayî, a ‘bila nûnerek kurdan jî tevlî konferansê bibe’, min di tarîxa 25’ê Mijdara 2OO8’an de, bi Dîrektorê Daîreya Piştgirî û Ciwaniyê, bi birêz Ruben Cela Diaz re, li meqamê wî, hevdîtinek pêk anî. Birêz Cela, diyar kir ku ev yek ji bo wî bextewariyek mezin e û xwest di demek kin de, vê yekê pêk bîne. Înîsiyatîfa navê ku wê bêşdarî konferansê bibe, bi tevahî ji min re hişt. Min jî, bê tereddûd, wê gavê navê we telaffûz kir û me li ser vê yekê lihevkir.

Ji ber ku têkiliya min dîrekt bi we re tûne bû, heman rojê, ez li endamê Meclîsa Partiyê yê DTP’ê û Serokê Şaremîna Sûr ya Berê, li birêz Abdullah Demirbaş ku ew jî berê mîna vexwendvanek hatibû Galîsyayê, geriyam û min jê xwest alîkarî û navbeynkariyê bike. Birêz Demirbaş, di 27’ê Mijdarê de e-mail ek ji min re şand û li wir dinivisîne ku we, li vê pêşniyarê pozîtîv mêzekiriye û xwestiyê di derbarê hûrgiliyê bernameyê de agahdar bibe. Ji ber vê yekê jî telefona we ya malê nivisandiye ku ez li we bigerim û agahdar bikim. Li ser vê yekê, min jî 28’ê Mijdarê telefonî mala we kir. Ji ber ku hûn ne li mal bûn, berê min dan sekreterê we Ayşegül Doğan. Piştî vê yekê, min hemû hevdîtinên din, bi birêz Ayşegül Doğan’ê re çêkir.

Herweha, di heman rojan de, ez li hevalê xwe, yê li London’ê rûdine, li Yaşar Karadoğan geriyam û min jê tika kir ku bi were bikeve têkiliyê. Li ser vê yekê, birêz Karadoğan, hem bi we re, hem jî bi xanima Ayşegül’ê re têkilî danî û xwest ku hûn îştiraqî konferansê bikin.

Meh ek beriya konferansê, Temsîldarê Ewrûpa yê DTP’ê, birêz Fayik Yağızay li min geriya. Birêz Yağızay, ji min re got, hûn li wî geriyane, ji ber ku hûn min nas nakin, bi wî şêwirîne. Ewî jî ji we re gotiye, qet pirsgirêk dernakeve, hevalê min e û qasê ku ji min re gotî, di vê mijarê de, çek ek vekirî daye we.

Beriya derbasî aliyên teknîkî yên konferansê bibim, dixwazim bibêjim ku şerha yekane ya birêz Ayşegül Doğan danî ber min, bi we re hatina wê a konferansê û çêkirina bernameyek dûkesî bû. Min jî qet îtiraz nekir û bername ji bo dû kesan hate sererastkirin.

Dest bi amadekariyên teknîkî yên konferansê hatin kirin. Hate plankirin ku, konferans li dû bajarên cûda bên çêkirin. Di 29’ê Çile ya 2009’an de, li paytexta Galîsya, li Santiago de Compostela û di 30’ê Çile ya 2009’an de, li bajarê herî mezin yê Galîsya, li Vigo. Ji bo afîşên konferansê, min ji we jînenîgariya we û wêneyek we xwest. We, ev tişt, di 24’ê Kanûn’ê de, ji min re şandin. Min jînenîgariya we wergerand zimanê Galîsyan û bi wêneyê we re, di 26’ê Kanûn’ê de, min ji hikûmetê re şand.

Afîşên konferansê hatin amadekirin. Mînak ek afîşên hatî amadekirin, min ji we re şand. Afîş, li her deverên dû bajarên ku wê konferans lê werin darxistin, hatin daliqandin. Hemû amadekariyên teknîkî yên konferansê hatin kirin. Hikûmeta Galîsya, ji we re, dû vexwendnameyên fermî birêkir. Rezervasyonên hotêla hûnê lê bimînin, hatin kirin. Bilêtên teyareya we, hatin kirîn.

We, di 25’ê Çileya 2009’an de, metna axaftina xwe ya çarrûpelî, ji me re şand. Teksta axaftina we, ji aliyê min ve, ji bo zimanê Galîsyan û Îspanî hate wergerandin. Wergera Galîsyanî ji hikûmetê re hate şandin.

Di 27’ê Çileyê de, rewşa dawî ya bernameyê ( Ji bilî randevûya we ya bi Wezîrê Çandê re, hîna tam nehatibû teyîdkirin, ku ew jî dûre sererast bû) me ji we re şand. Li gor vê bernameyê, ji bilî konferansan, di derbarê resepsiyonên we yên bi Cîgira Seroka Parlamentoya Galîsyan, ya bi xanim Tereixa Paz û bi her sê berdevkên partiyên di parlamentoyê de ku grûbên wan hene, hûn hatin agahdarkirin. Û piştî vê resepsiyonê, di Avahiya Hikûmetê de, randevûya we a bi Wezîrê Çandê yê Galîsyan re, ji we re hate gotin. Herweha, hûn di derbarê konferansa ku wê di 30’ê Çile de biqewime û wê ji aliyê Wezîra Teresa Taboas ve were pêşkêşkirin û bi hevkariya Dîrektorê Giştî yê Piştgirî û Ciwaniyê birêz Ruben Cela Diaz û Cîgirê Serokê Delegasyona Vigo birêz Fransizco Javier Verea Argibay ve bidome, hatin agahdarkirin.

Di 28’ê Çileyê de, hertiştê ku bi konferansê ve girêdayî bûn, amade bûn. Tenê, em li benda hatina we bûn. Ji ber vê yekê, heman rojê, rayedarê hikûmetê birêz Ruben Cela, civînek çapemeniyê lidarxist. Di vê civînê de, di derbarê konferansa we de, agahî da çapemeniyê û hemû medya vexwend konferansê. Îlanên li ser konferansê, di hemû televizyonên herêmî, radyo û di rojnameyan de derketin.

Divê, di Sibeya 29’ê Çileyê de, di siet 07.55’an de, teyareya we ji Brûkselê rabûya. Di şeva 28’ê Çile dikir 29’de, sekretera we, Ayşegül Doğan li hizûra we, li min geriya û got ‘problemek heye’. Dema min jê pirsî problem çi ye? Got: Berpirsiyarê Ewrûpa yê DTP’ê Fayık Yağızay dixwaze bi Leyla xanim re were û ji min hat xwestin ku ez bi rayedarên hikûmetê re cardin bikevim têkiliyê û di heman teyareyê de, ji bo wî bilêt were kirîn, heger ev yek neyê cîh, wê neyê.

Li ser vê yekê ez heyirîm û min got ne mimkûne ku di vê sietê de ez bikaribim bi rayedarekî ve bikevim têkiliyê. Piştî vê yekê sekreterê we ji min xwest ku ez bi pereyê xwe bilêtê bikirim û dûre vê yekê bi hikûmetê re biedilînim. Min jî bersivek negatîv da. Sekreterê we got, ezê piştî 2 deqîqeyan cardin li we vegerim û telefon girt. 2 deqîqe şûnda, vê carê jî Fayık Yağızay li min geriya. Fayîk Beg, tiştên sekreterê we ji min re gotî, dûbare kir û ev yek lê zêdekir: Ji ber ku hûn min baş nasnakin, hinek wesweseyên we hene û ji ber vê yekê hûn dixwazin Fayîk Beg, refaqata we bike. Min jî li ser vê yekê got, heger Fayîk Beg dixwaze were, bila bilêta xwe, bi perê xwe bibire û dûre dema hat vê derê emê bi rayedarê hikûmetê re biaxivin, heger qebûlkirin wê pirr baş be, heger qebûlnekirin wê demê ne fermî ye, lê belê dîsa mîna mêvan emê wî pêşwazî bikin û jê re bêjin ‘tû bi xêr hatî’. Li ser van axaftinan, Fayîk Beg ji min re got, pirr karên wî hene, lê dîsa wê hewl bide ku bi we re bikaribe were û pirsgrêkê jî wê çareser bike û telefon girt. Cardin piştî 2 deqîqeyan sekreterê we li min geriya û bi kûrtasî got ewên neyên, “Leyla xanim, ji nişka ve, nexweş ketiye, agirê wê bilind bûye û wê sibê ji hikûmetê re nivîsekê binivisîne” û telefon girt. Û hûn nehatin. Tevahiya meselê weha ye. Hevalekî minî kurd, bi navê Zana, ku ji 1000 kîlometre dûr, ji Katalonya, ji bo ku gûhdarî li konferansa we bike hatîbû jî, şahidê hemû axaftinên min yên bi we re ye. Disa, hanımekî ji Galisyan bi navê Pepa Baamonde jî şahidê wan hemû axaftinên telefonê bu.

Ezê ji we re qala tevlîheyiyên piştî îptalkirina konferansê, reaqsiyonên xelkê Galisyan, yên dezgeha amadekar, kesên keda wan di vê pêvajoyê de derbas bûne, nekim. Ji ber ku ne qapasîteya min a rêman, ne jî rûpel têra vê yekê dikin. Heger hûn bixwazin li ser vê yekê xwedî agahiyên hûrgilî bin, hûn dikarin li rojnamevan Zinar Ala’yê kurdê Efrînê ku li ser navê malpera avestakurd, 700 km ji dûr, ji bo konferansê hatibû bigrin.

Birêz Leyla Zana,

Beriya ku ez derbasî pirsên xwe bibim, tevlî gûmanên we yên ne di cîh da, ez dixwazim li ser vê mijarê bisekinim. Kurda yekem ya ku wê bihata vê derê, ne hûn bûn. Beriya we jî gellek kes hatibûn û min ev yek ji we re jî gotibû. Ji bo ku ez bi we bidim bibîranîn, cardin dûbare dikim.

*
Hevseroka DTP’ê ya Berê birêz Aysel Tuğluk, li ser vexwendina Şaredariya Santiago, hat vê derê û konferansek da.
*
Şaredarê Berê yê Şaremîna Sur, birêz Abdullah Demirbaş, li ser vexwendina Şaredariya Santiago hat vê derê û konferansek da.
*
Şandeyek ji 4 kesî, li ser navê Şaremîna Sur, di bin serokatiya birêz Abdullah Demirbaş’de mîna vexwendvanê Şaremîna Santiago hatin vê derê û danûstandin pêkanîn.
*
Hûnermenda Kurd Nilüfer Akbal, mîna vexwendvanek Şaremîna Santiago hate vê derê û konserek da.
*
Hûnermenda Kurd Aynur Doğan, li ser vexwendina Şaremîna Santiago hate vê derê û konserek da.
*
Şaremîna Santiago, ji bo gellek projeyên Şaremîna Sur ya Diyarbekir mîna “hevkar” mora xwe bikaraniye.
*
Şaremîna Santiago, ji ber ku zarokên kurdan bikaribin bi zimanê xwe yê zikmakî bixwînin, 2000 hezar pirtûkên kurdî çapkirine û şandine welêt.
*
Şaremîna Santiago, 5 rojan li Santiago, bi navê “Hefteya Çanda Kurdî” çalakî lidarxistî ye.
*
Ew kesê ku hûn dibêjin ez nikarim bêyî wî werim, birêz Fayık Yağızay hat vê derê û 10 rojan bû mêvanê min.

Birêz Leyla Zana,

Kê û çima hatina we ya vê derê, di kêliya dawî de, nexwest.?

Beriya 2 deqeyan bazariya bilêtê tê kirin û lê piştî 2 deqîqeyan hûn çawa û ji nişka ve nexweş dikevin?

We gotibû ezê mazereta xwe bişînim, sedemê mazereta we a neşandinê, gelo dibê ku hûn hîna di nexweşxaneyê de bin.?

Gelo hûnê lêborîna xwe, ji gellê Galîsyan û ji hikûmetê bixwazin?

Ji ber taahhûda we, ku ne ji ber sedemek konkret nehat cîh, gelo hûn difikirin ku mesrefên Hikûmeta Galîsyan, yên li we hatî xerckirin, “pereyên dewletê” şûnda razînin.?

We çima ew kesê ku hûn dibêjin ‘bêyî wî ez nayêm’ berê neêxist nava bernameya xwe? Herweha, rojek beriya ku hûn werin, ez bi sekreterê we re dû caran axifîm, çima qala vê meseleyê qet nehate kirin?

Gelo hûn di wê zanebûnê de ne ku, têkiliyên hin kesan, bi salan, bi eniya xwêdana xwe çêkirî, we di kêliyekê de herimand?

Bi vê helwesta xwe ya ji berpirsiyariyê dûr, gelo hûn dizanin we zerar ne tenê da xwe, herweha gellê kurd?

12.02.2009, Galîsya/Ispanya.

İrfan Güler

Nûçeyek girdayî nameyê: Kê an jî çi nehîşt ku Leyla Zana were Spanyayê?! (Foto)

Advertisements

2 thoughts on “Ji Spanya: “Nameyeke vekirî ji bo Leyla Zana”

  1. Tû her bijî hevalê İRFAN GÜLER
    Jiboyî kar û xebata te ya bê sînor ez sipasya te dikim. Min nameyate xwend. Rindikên şadiyê ji çaevên min mina baranê di baryan.Lewra em kûrd bextiyarin kû çiwanê mînate bûne xwedyê dozê.Kû êş û azara kûrda gihandin Spanya.
    Jibo nehatna birêz Leyla zana, ya qonferensê ez xemgîn bûm. Ji xeynê gotûna gelo çima û pêwe ez nikarim tütüştî bêjim. Ez hêvîdarim kû di demikî kürt de bersiva nameyate bide.
    Slav û hezkirin ji kûrdîstan heya spanya

Şîrove û nêrînên we

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s