Tîmên Galîza û Kurdistanê hatin hemberê hev

Foto: GzVideos.info

Rûdaw / Z.A – Di 29ê Kanûna borî de maçeke fotbûlê di navbera tîma Kurdistan û tîma Galîzayê li bajarê Pontevedra ya bi ser herêma Galîza (herêmeke xweser li bakurê rojavaya Spanya) hate lidarxistin, di encamê de jî Galîza 3-2 biserket.

Koma Siareiros Galegos ya ku ji hezkiriyên tîma netewî ya Galîza pêk tê her sal tîma netewên neserdest vedixwîne ji bo ku li dijî tîma netewî ya Galîza bilîze.

Derbarê vê çalakiyê jî GzVideos.info vîdyoyek weşand bi navê “Kurdistan dijî Galîza. Du netew, heman armanc: Fermîbûn!”  Vîdyo bi derbasbûna herdu tîman ji saheyê destpê dike, li pêşiya wan jî du mûzîkvan bi cilên folklorî dimeşin. Alên herdu netewan li ser nexşeya herdu welatan hatibûn danîn lê lîstikvanên tîma Kurdistanê ala kurdî hilnedabûn.

Berî despêkirina maçê Davide Rodeiro, kordînatorê koma Siareiros Galegos, li ser Kurdistanê axivî û hinek agahî dan cemawerê amade, piştre jî sirûda “Ey Reqîb” hate xwendin.

Di tîma Galîza de keç jî hebûn

Davide Rodeiro diyar kir ku ji ber astengiyên ku ketibûn rêya wan ji bo bidestxistina vîzayê ji lîstikavnên ji bakur û başûrê Kurdistanê ew neçar mabûn ku lîstikavanên Kurd ji Ewropayê (Almanya, Fransa û Dînamark) vexwînin ji bo vê hevdîtinê. Di tîma Galîza de lîstikvan ne têne zilam in, her wiha jin jî ligel wan dilîzin, çar lîstikvanên jin di vê maçê de cih digritin.

 “Gellek xebat li pêşiya me heye ji bo ku mafên me bên naskirin”

Li kêleka maça futbûlê çalakiyên din jî hatin lidarxistin weke xwepêşandan û panelan. Séchu Sende panelek bi navê “Galîza û Kurdistan, gelên bira, zimanên bira” sazkir. Sende derbarê ji Rûdawê re got, “Gellek xebat li pêşiya me heye ji bo ku mafên me bên naskirin, cihê kêfxweşiyê ye ku me şahiyek di navbera du netewên heval çêkir. Hêvîdar im ku li Galîza hercar bêhtir Kurdistanê bê naskirin û her wisa li Kurdistanê welatê me jî bê naskirin, ji ber ku gellek tişt hene ku em bi hev re parve bikin”.

Advertisements

Şîrove û nêrînên we

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s