Tutumlu ala Kurdistanê li ser podyûma navnetewî hilda

Tutumlo ala Kurdistanê hildide li ser podiyomê

Spanya (Rûdaw) – Pîlotê Kurd-Katalan Isaac Tutumlu di rojên 11 û 12ê gulanê de beşdarî pêşbaziyên navnetewî yên erebeyan li bajarê Algarve bû û bo yekemîn car hilkişî ser podyûmê ji ber wegirtina pileya sêyemîn di pêşbaziya Spanya Iber GT de.

Di roja 11ê Gulanê de Isaac Tutumlu bi erebeya Porsche 997 GT3 R ya Autorlando Sport tevlî pêşbaziya Spanya Iber GT bû û pileya sêyemîn stand û di 12ê Gulanê di pêşbaziya International GT Open de jî pileya sêyemîn qezenc kir. Ajansa Ragihandinê ya Sporê Ctrpress diyar kir ku Isaac yekemîn pîlot e ku di dîrokê de ji Kurdistanê hildikşe ser podyûma pêşbaziyeke navnetewî: “Isaac Tutumlu û tîma Barzanî Racing ketin dîrokê ji ber hildana rengên Kurdistanê bo cara yekemîn li ser podyûma pêşbaziyeke navnetewî. Pîlotê spanî yê esil Kurd li Autodroma Algarve cihê lidarketina pêşbaziyên Spanya Iber GT û ya International GT Open encameke dîrokî bidest xist”.

Isaac ji ber nûnertiya Kurdan li qada navnetewî serbilind e

Isaac Tutumlu ji Rûdawê re derbarê vê serkeftinê axivî û wiha hestên xwe anî ziman: “Piştî bidesxistina vê encamê ez bi hêzekî mezin hest dikim ji bo ku têkoşîna xwe ya bidestanîna serkeftinê bidomînim. Bi rastî ez bi bûyera hilkişîna ser podyûmê li ser navê gelê kurd di vê pêşbaziya navnetewî de serbilind im, ez ji vê yekê tekez im ku gellek buyerên wisa çêbibin”.

Issac bal kişand ser xebata mezin ya sponor û hevkarên xwe ji bo ku bikaribin nûnertiya Kurdistanê di cîhana sporê de bikin û wiha pêde çû: “Armanca me ew bû ku em rojekê bikaribin hilkişin ser podyûmê û me ev yek bi cih anî, niha divê em gavekî din bavêjin ew jî qezenckirina pêşbaziyekê ye; em hêvîdar in ku em zû bigîhin vê armanca xwe”.

Issac ji Rûdawê re daxuyand ku ew û tîma Barzanî Racing di meha Mijdarê de diçin Hewlêrê û bi erebeya ku pêşbaziyê pê dike show li kolanên Hewlêrê çêbikin: “Wiha ez dikarim ji nêz ve erebeya ku ez pê pêşbaziyê dikim nîşanî Kurdistaniyan bidim”.

Isaac li derdorê bajarê Nûrburgring a Almanyayê di 1 û 2 Hezîranê de beşdarî pêşbaziyeke din dibe.

Advertisements

Şîrove û nêrînên we

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s