Şerê rewşenbîrên rojavayê Kurdistanê

Karîkatûrek derbarê gulmeka Mario Vargas Llosa ji Gabierl García Marquéz re
Karîkatûrek derbarê gulmeka Mario Vargas Llosa ji Gabierl García Marquéz re

Ev bûne du sal ku  rewşenbîrên rojavayê Kurdistanê  di nivîs û şîroveyên  xwe de beravnaiya şoreşa ku ew dibînin di rêya rast de dikin. Piştî xeleka nû ji buyerên birakujiyê li Amûdê,  ku berê li Efrînê û Kobanî jî  rû dabûn, şerê rewşenbîran dîsa gurr bû, wek mînak jî şerê dawî ya di navbera romannivîs J.D yê ku piştgiriyê dide “Şoreşa Sûrî”  û romannivîs H.Y  yê ku jî berevaniya “Şoreşa Rojavayê Kurdistanê” dike. Di în û şemiya borî de herdû romannivîs bi awakî vekirî  bi rêya Facebbokê  êrîşî hev kirin, ew jî piştî ku  H.Y nivîseke ya J.D  ji erebî wergerand kurdî û di bin sernivîsa “Bê şîrove (nivîsek ya J.D)” li ser dîwarê xwe weşand. Ji ber matmayîna û nebaweriya hin bikarhênerên Facebookê, nemaze yên ji bakurê Kurdistanê, li hember  tûjiya peyvên J.D yên li dijî nûser û medyakarên bi ser  PKKê ve, H.Y neçar ma ku tekez bike ku ew nivîs ya J.D e. Dûre J.D dîsa bi heman wî zimanî tund, bi ser de jî dijûneke maçîst zêde kir,  êrîşî kesayetiya H.Y  kir û wî bi kirîna bawernameya ajotinê û ya zanîngehê tawanbar kir.

Li hember van êrîşan H.Y  wateya navê xwe da aliyekî û sebra xwe wenda kir, wî xwest çend dijûnên amûdkî ji J.D re bibêje lê ew got ku wê bihêle ji bo demeke din û bi zimanê tolhildanê bi J.D veda:

Çi raya we ye ku ez bi amûdkî bersiva vî qeşmerî bidim. Ka em vê bihêlin careke din,…Ez dizanim baş bikirim, tu jî dizanî baş bifroşî. Helal be ji te re, bifroşe. Jixwe dinya ji bo kesên wekî te tenê bazar e. Ez dikirim, lê bi ti awayî ez li dora jina weşangerê xwe nagerim û ji bo jina ti kesî bi rojan naçim li mala wî namînim û …

Ji ber vî şerî gellek şopînerên van herdu romanivîsan xemgîniya xwe anî ziman, Alan Ciwan  hestên xwe di bin nivîsa H.Y wisa anî ziman “Hûn herdû bûn yên ku xwendina kurmancî bi min xweş û geş kirin. Ez xwe diavêjime bextê we ku hûn dev ji vî şerê xwe yê nexweş ya li ser facebookê berdin ku êdî gihiştiya wê radeya ku dilê mirov li hev bikeve li hember van peyamên berberiyê”.

Digel ku herdû romannivîs li Almanyayê nêzîkî hev dijîn, baş e ku heya niha şerê destan di nav wan de rû nedaye, vêya dibêjim ji ber ku di navbera rewşenbîran de şerê destan jî çêdibe, em dûr neçin,  berî sê salan helbestvanek û dengbêjek ji rojavayê Kurdistanê li orta bajarekî Almanyayê li hev xisitibûn. Her wisa di sala 1976an de du stunên wêjeya Amêrîkaya Başûr û xelatgirên Nobelê Gabriel García Marquéz (Gabo) û Mario Vargas Llosa piştî temaşekirina fîlmkî li Meksîkê pêrgî hev hatin û di nav wan de buyerkî nexweş rûda bû, li gorî kesên amade di wê  bûyerê de dema Gabo nêzîkî Llosa bû û xwest ku wî hemêz bikira romannivîsê pêrûyî li şûna hemêzkirinê gulmek dabû romannivîsê kolombî û derdorê çavê wî jî hêşîn kiribû, Llosa ji Gabo re gotibû: Tu çawa wêrekî di xwe de dibînî bo hemêzkirina min piştî  ew tiştê ku te anî serê Patricia li Barcelona! (Patricia navê jina Llosa ye).

Hêviya gellek kesan ew e ku  rewşenbîrên Rojava arîşeyên xwe yên şexsî û îdyolojî bidin aliyekê, ku dev ji vî şerî stewr berdin û roleke çalaktir di aramkirina dengên tund bileyzin. Divê ku bibin alîkar ji bo rawestandina şerê ragihandinê ya di navbera aliyên kurdî de ne ku vî şerî gurr bikin yan jî bê helwest bimînin. Ev şera di navbera rewşenbîran de çanda tundiya peyvan di nav kurdan de jî gurr dike, ev çand  jî bandoreke xerab  li ser yên xwîngerm dike û dihêle ku birakujî ji nû ve zindî bibe.

Nivîseke têkildar:

Ji bo çi nivîskar Jan Dost ji kurdbûna xwe şerm dike?

Advertisements

Şîrove û nêrînên we

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s