“Elîko Dîno” cemawerê festîvalên mûzîka elektronîk mest dike

Hunermend Dilşad Dilêr
Hunermend Dilşad Dilêr

Rûdaw / Z.A – Strana “Elîko Dîno” bo gellek salan di nav xezînaya folklora kurdî de veşartî mabû, tenê beriya çend salan dengbêjek gelêrî ji Qamişlo bi navê Dilşad Dilêr toz li ser vê stranê hilweşand û derxiste ronahiyê.

Piştî ku ev stran di nav xelkê de deng dabû û ji aliyê gellek dengbêjan hatibû xwendin, stranbêj Dilşad Dilêr bi hevkariya raper Şerîf Omerî û bi belavkirinek nûjen ji aliyê hunermend Fîras Husynî vê stranê ji nû ve tomar kir û ji nav şahiyên ku Dilêr li dar dixistin vîdyoklîpek hate çêkirin.

Ji ber xweşbûna vê stranê dibe ku Dilêr texmîn dikir ku ev stran dê ji aliyê cemawerê kurd gellek bê hezkirin lê ku stran ji aliyê cemawerekî ji netewên cûrbecûr li cîhanê bê hezkirin ev yek zore ku bihata texmînkirin. Ev bû du meh in ku melodiya vê stranê bi rêya kîborda mûzîkvanê kurd Rêzan Seîd li her festîvalek elektronî di gellek bajarên cîhanê de tê guhdarkirin, li kêleka Rêzan jî dengbêjê ereb yê ji Serêkaniya binxetê Omar Souleyman bi kurdî çend peyvên ji vê stranê dixwîne “Elîko dîno, li dera xwe dibîno bejn ziravo, te xwîn şîrîno”.

Omar û Rêzan di yek ji festîvalên mûzîka elektronîk de
Omar û Rêzan di yek ji festîvalên mûzîka elektronîk de

 Çawa li Rojava xelkê bi çoşeke mezin di ber mûzîk û peyvên vê stranê dansê dike, her wisa di festîvalên elektonîk de xelkên gellek newetewan bi bihîstina melodiya vê stranê serê xwe û gewdê xwe jî dihejînin. Vîdyoyon ku herî tên weşandin di medyayê de ji bo danasîna van festîvaln yên vê strana “Elîko Dîno” ne. Di festîvala dawî ya “Pitchfork Music” li Parîsê vîdyoklîpek ji vê stranê re şêbû û di bin navê “Ali Kodino” bi rêya Youtubê hatiye belavkirin. Di derbarê dengvedana vê stranê li Rojava Hunermend Dilşad dilêr di hevpeyvîneke xwe de ya berî du salan gotibû “Hunera stranbêjiya kurdî hunerek bedew û resen e, parastina vê hunerê erkek ku li ser milê her kesek di civaka kurdî de û her wisa li ser milê her hunermendekî dikeve”.

Xweşbûna melodiyên stranên folklorî jî hîşt ku stêrkê festîvalên elektronîk çend peyvan ya du stranên kurdî ezber bike ji bo ku di van festîvalan de bixwîne. Ji bilî strandina “Elîko Dîno”, Omar bi kurdiyeke xweş peyvên straneke din jî dibêje “Dê wernê wernê wernê…, werin dîlanê esmer… Esmerê bi gewrê nadim…werin dîlanê esmer”. Omar û Rêzan bi pêşkêşkirina çend stranên xweş ji folklora Ereb û Kurdan bala medyaya cîhanê kişandin ser xweşbûn û zengînbûna mûzîka gelêrî li Rojhilata Navîn.

Têbînî: Piştî belavkirina vê nûçeyê di rojnameya Rûdawê de hunermend Şerîf Omerî em ragihandin ku kesê yekemîn ku vê stranê gotiye hunenermend Seîd Gabarî ye.

Advertisements

Şîrove û nêrînên we

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s