Sala bîranîna hunermendên mezin li Rojava

Ji çepê: Baqî Xido Cemîl Horo û Mihemed Şêxo
Ji çepê: Baqî Xido Cemîl Horo û Mihemed Şêxo

Di sala 2009an de 20mîn salvegera barkirina bilibilê Kurdaxê Cemîl Horo bû û her wiha 25mîn salvegera  hunermendê beriya Mêrdînê û “Mîrê Rebabê” Miradê Kinê bû, di wê salê de ne li hundirê welêt ne jî li diyasporayê  ti çalakiyên bîranînê derheqê van herdû hunermendên mezin nehatin lidarxistin. Salvegerên barkirina hunermendan li ba gellek netewan di hemû warî de têne pîrozkirin, derbarê wan pêşangeh, semîner, konferans, programên televîzyon û radyoyê, û konsert têne çêkirin, malper û rojname jî çalakiyan dişopînin. Mixabin hunermendên me ku jiyana xwe kiribûn xizmeta zindîkirina mûzîk û wêjeya  Kurdan û  ji bo doza Kurdî  ketibûn zinadanan gellek caran têne jibîrkirin. Li xuyaye îsal rewş li Rojava diguehere.

Kobanê Baqî Xido bi bîr anî

Îsal xelkê Kobanê nexwestin ku roja 8ê sibatê (roja barkirina Baqî Xido) derbas bibe bê ku hunermendê xwe bi bîr bînin. Xelkê Kobanê, digel dijwariya ambargoya ji aliyê tundrewan, çalakiyek lidarxistin ji bo bîranîna salvegera pêncemîn ya barkirina “Bilbilê Kobanê û deşta Sirûcê”  hunermend  Baqî Xido. Çalakî li Navenda Baqî Xido ya Çand û Hunerê li Kobanê hate lidarxistin, di çalakiyê de dengbêj Hafizê Kor mamosteyê xwe Baqî bi xwendina stranên wî bi bîr anî, her wisa herdû hunermend tembûrvan Mihemed Adî û kemançevan Mihemed Dûman derbarê hevalê xwe Baqî gotinan pêşkêş kirin. Di çalakiyê de stranên Baqî ji aliyê dengbêjên nifşa ciwan jî hatin xwendin weke Leyla, Sedûn û Muradê Hemzo.

 Baqî Xido li bajarê Kobanî ji dayîk bûye û di 8ê meha sibatê sala 2009an di heman bajarî de hatiye binaxkirin. Bi saya dengê Bavê Evdelê gellek destan û serpêhaityên kurdan li herêma Kobaniyê û deşta Sirûcê zindî mane, destana herî navdar bi dengê wî ya Derwêşê Evdî ye ku di pênc demjmêran de xwendiye. Her wisa li ba aşiq û evîndaran strana wî ya bi navê “Dilo” gellek hezkirî ye, di vê stranê de Bavê Evdelê bi êş û keser wisa dinale: “Dilo ez kal bûm, tu çira qet kal nabî dilo.Tu çira xwe ji çiyan mestir dikî dilo, tu çûçikî dilo…”

 25mîn salvegera barkirina Cemîl Horo û Mihemed Şêxo

Di mehên Adar û Îlonê de tê çavrêkirin ku li herêmên Cizîrê û Çiyayê Kurmênc  bi boneya 25mîn salvegera barkirina herdû hunermendên mezin Mihemed Şêxo û Cemîl Horo, yên ku di sala 1989an koça dawî kirin, çalakî bêne lidarxistin ku layîqî huner û têkoşîna van herdû hunermendan yên ku ji ber stranên xwe êş, êşkence, sirgunî û zindan dîtin.

Advertisements

2 thoughts on “Sala bîranîna hunermendên mezin li Rojava

Şîrove û nêrînên we

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s