Hildana ala Kurdistanê li Spanyayê bû mijara polemîkê

Ala Kurdistanê li Donostia
Ala Kurdistanê li Donostia

Di roja 20ê Adara borî de şaredariya bajarê San Sebastianê (bi zimanê baskî Donostia) bi mebesta pîrozkirina Newrozê û nîşankirina piştgiriya gelê bask bi gelê kurd re ala Kurdistanê danî ser façada şaredariyê. Di heman wê rojê de şarederê bajarê Bilbao Iñaki Azkuna, yê ku xelata baştirîn şaredarên cîhanê wergirtibû, jiyana xwe ji dest dabû. Lê Ala Kurdistanê li ser dîwara şarederiya Donostiayê ma û şîniya fermî nehate girêdan. Di rewşên şînîya fermî de li hemû şaredariyên Spanyayê ala dewletê heya bilindahiya nîvê stûnê hesinî tê hîştin. Çapameniya spanî jî heya vêderê bêdeng mabû.

Di roja 23ê Adarê de jî yekemîn serokwezîrê demokrat li Spaniyayê Adolfo Suárez jiyana xwe ji dest dabû, Suárez weke endezyarê prosesa veguhestina Spanyayê ji dîktatoriyê bo demokrasiyê dihat naskirin, ji ber wî Spanyayê tevde di şîniyê de bû. Lê Şaredariya San Sebastianê şîniya fermî bi daxistina ala Spanyayê heya nîvê stunê pêkneanîbû. Partiyên opozisyonê yên li şaredariyê êrîş birin ser şarederê Donostiyayê Juan Karlos Izaguirre û partiya wî Bildu yê nêzîkî tevgera Çepên Netewperest li Welatê Bask. Partiyên Gel û yê Sosyalistî (partiyên sereke li Spanyayê) daxwaz kirin ku Bildu şîniya fermî ya ku ji aliyê hikûmeta Spanyayê hatiye ragihandin pêkbîne. Lê Bildu daxwaza wan piştguh kir û weke tiştekî “negirinîg” binav kir.

Rojnameya spanî El Correo di nûçeyeke xwe de bi navê “Şaredarê San Sebatianê Kurdistanê bi bîr tîne, Azkuna û Suaréz ji bîr dike” radgihand ku partiya sosyalîst ya Welatî Bask rexne li helwesta şarederê Donostiayê dike yê “Ku ji aliyekê piştgiriya xwe dide Kurdistanê bi rêya pîrozkirina roja xwê ya netewî bi rêya danîna Ala Kurdistanê li ser façada şaredariyê û ti senyaleke xemgîniyê ji ber mirina şarederê Bilbao Iñaki Azkuna nedabû”. Ev polemîka şîngirêdanê û bilindkirina ala Kurdistanê di gellek rojnameyên spanî de hate gotûbêjkirin.

Ev ne cara yekemîn e ku çapameniya spanî êrîş dibe ser helwest û karên şarederê San Sebastianê Juan Karlos Izaguirre û partiya wî Bildu, di Mijdara sala borî de rojnameya rastgir ABC nûçeyek derbarê lidarxsitina “Konferansa Navnetew ya Şaredarên ji bo Aştiyê” weşandibû di bin sernivîsa “Bildu 100.000 Euro di rojekê de xerc dike ligel şardedarên ji Kurdistan û Felestînê” de. Di wê konferansê de şaredarên Amed û Batmanê Osman Baydemir û Serhat Temel, û herwisa hevseroka Encûmena Gelê Rojavayê Kurdistanê Sînam Mohamad amade bûn. Rojnameya navborî bi awakî negatîv behsa konferansê kiribû.

Hêjayî gotinê ye ku ev sala duyemîn e ku San Sebastian roja Newrozê bi hildana Ala Kurdistanê pîroz dike, sala borî şarderê vê bajarî çar niştecihên kurd li Spanyayê ku nûnertiya çar perçeyên Kurdistanê kirin vexwendin salona Şardeariyê ji bo pîrozkirina Newrozê.

Advertisements

Şîrove û nêrînên we

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s