“Ji Bo Rojeke Serbixwe” Kurd li Heumarktê bûn yek (Foto)

Hunermend Brader û meydana Heumarkt li Kolnê / Foto: Z.A

Z.A – Îro sedsalek ser îmzekirina peymana Sykes-Picot derbas bû, ev peymana ku qet daxwaz û vîna gelên Rojhilata Navîn nedabû ber çavan, ji ber hibrê vê peymanê jî heya îro xwîna mirovan nemaze jî ya kurdan tê herikandin. Bi kurtî Brîtanya û Fransa bi rêya vê peymanê, bi rastekê  sînor  xêz kirin û  kurdan di nav çar dewletan de belav kirin.

Roja 14ê gulanê jî revendên kurdî ji gelek bajarên Almanya û ji çend welatên derdorê wê berê xwe dan bajarê Kolnê ji bo şermezarkirina vê peymanê. Çalakî di bin navê “Ji bo rojeke serbixwe” hate lidarxistin û ji aliyê komeke çalakvanên kurd ku xwe wek serbixwe bi nav dikin, ango ew ne girêdayî rêxistineke siyasî ne.

Komîteya Amedekar agahdar kiribû ku tenê Ala Kurdistanê wê di vê çalakiyê de bê hildan, digel vê hişiyariyê çend kes alên din hildabûn (wek alên YPGê/YPJê, ala Êzdiyan, ala PDKê, du wêneyên Abdulah Ocalan..hwd) lê hejmara van alan gelek kêm bû, ango mirov dikare bêje ku çalakî tenê di bin siya ala Kurdistanê hate birêvebirin. Helbet keda endamên  ewlekriya çalakiyê û polîsa almanî ji bo ku rê li tevliheviya alan bigrin mezin bû.

Meydana Heumark bi sedan alên rengîn yên mezin û biçûk tijî bûbû, hejmara kesên tevlî vê çalakiyê bûn li gorî texmînên polîsa alman û Komîteya Amadekar  di navbera 1600-5000 kesan de bû.

Ez ji bajarê Munsterê bi rê ketim, trêna ku ez têde siwar bûbûm li her çend rawestgehan çend kurd radikirin. Ciwanên kurd jî di hundirê trênê de û di rawestgeha guhertina trênê  de (Duisburg bû) herdem staranên gelêrî û netewî dixwendin û bala almanan dikşandin. Li stasiyona navendî ya Kolnê em peya bûn û me berê xwe cihê çalakiyê, di rê de slogana “Bijî Kurdistan” û alên Kurdistanê bala welatiyên alman û tûrîstên derdorê Katedrala Kolnê dikşandin.

Di meydana Heumrkt de ez pêşî rastî siyasetmedar û endezyar Selah Elemdarî hatim, min spasiya wî kir ji ber nermbûna û bihnferehiya tevgera wî li hember siyaseta hişk ya ku ji aliyê rêvebriya Kantona Efrînê tê kirin. Rojava hewcedarê kesên aqilmend wek birêz Şêx Alî û Elemdarî ji bo ku rê li nakokiyên kurdî-kurdî bigrin.

Her wisa min  kurdekî ji “zurriyeta nifşê dawî yê Ewropiyandît, niha bûye tuxtir, berî ez wî bibînim min  wêneyek ji  kesekî re kişand, mingot belkî ew Alan e, ez pêre axivîm lê ew bi min re normal bû, derket ew cêwiyê Alan e, wêne li jêre ka tê derxînin kîjan Alan e.

Baş e, me kê dît û kê nedît!, ji hevalên beşê aboriyê ya zanîngeha Helebê bigrin ku berî deh salan min wan nedîtibû, heya bi hevalên mûzîkvan, dengbêj û rojnameger.

Ev roj fersendek mezin bû ji min re ji bo ez bo cara yekemîn hunermendê mezin Nizammetîn Arîç bibînim û ligel wî û hevalê wî Alexander Zerning  bidim û bistînim. Hêjayî gotinê ye jî ku hunermend Nizamametîn xwediyê sebrek mezin e, bi dehan kes wêneyên xwe pê re girtin, hunermendê me ti acizî nîşan neda, lê ji ber teknînka dengê li ser şanoyê hinekî tengezar bû.

Hêjayî gotinê ye ku siysetmedarên alman jî di vê çalakiyê de beşdar bû, her wisa çalakî di medya almanî de jî cih girtibû. Bi kurtî çalakiyeke serkeftî bû, keda Komîta Amedekar û ya endamên ewlekariyê  ji bo biserketina vê çalakiyî heya kêlîka dawî diyar bû.

Li dawiyê mirov dikar bêje ku “Ji Bo Rojeke Serbixwe” alîgirên tevgerên kurdî yên curbecûr li Heumarktê bûn yek.

Advertisements

Şîrove û nêrînên we

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s