Feeds:
Posts
Comments

Archive for the ‘Brîtanya’ Category

Ji aliyê rastê çalakvan Reşîd Îbo

Rûdaw / Z.A – Roja yekşema borî revenda kurdên rojavayê Kurdistanê li Londonê xwepêşandanekê lidarxist ji bo şermezarkirina êrîşên rêxistina Dewleta Îslamê li Îraq û Şamê (DAÎŞ) li dijî Kurdan li rojava û başûrê welêt.

Çalakvan Reşîd Îbo ku yek ji organîzevanên vê çalakiyê bûn ji radyoya Rojava.fm re ragihand ku wan li pêşiya navenda hikûmeta Brîtanyayê protesto kirin: “Ji bo şermezarkirin tewanên DAÎŞê li dijî gelê Kurd li rojava û başûrê Kurdistanê”. Her wiha destnîşan kir ku wan nameyekê radestî bîroya serokwezrê hikûmeta Brîtanyayê David Cameron kirin: “Me di nameya  xwe de bal kişand ser tewanên rêxistina DAÎŞê yên berdewam li dijî gelê me, di dema ku civaka navnetewî tiştekî ji bo rawestandina herikandina cîhadiyan ji Ewropa û welatê din ber bi herêmê ve nakin. Me ji hikûmeta Brîtanyayê daxwaz kir ku piştgiriya Kurdan di şerê wan li dijî DAÎŞê bike, ku herêmên kurdî ji kuştin û koçberkirinê li ser destên vê rêxistinê terorîst biparêze. Her wisa ku tevbigere ji bo ku şerê li Sûriyê bilez rawsetîne, ku çareya herî baş ji bo Sûriyaya pêşerojê sîstema federalî û nenavendiya siyasî ye nemaze ji bo garantîkirina mafên gelê kurd û pêkhatiyên din li Sûriyê. Derbarê başûrê Kurdistanê de jî, me daxwaz kir ku hikûmet piştgiriya Kurdan di şerê wan li dijî DAÎŞê bike, û me li ser wê yekê tekez kiribû ku ezmûna Herêma Kurdistanê nimûneyeke serkeftî ye ji bo hevjiyana di nav gelan de û her wiha di warê parastina sîvîlan de.”

Pêşiya bîroya serokwezîr

Çalakvanê efrînî Reşîd Îbo di nivîseke xwe de bi rêya Facebookê rexne li revendên Kurdan li Ewropayê kir ji ber kêmbûna beşdarbûna wan di çalakî û xwepêşandana de “Gellek mixabin hejmara revenda kurdî li ba me [Brîtanya] mezin e, û bi awakî gîştî  li Ewropayê jî wisa ye, lê ew çalakbûna xwe tenê bi rêya Facebookê nîşan didin. Ji wan e ku Facebook dê mafên wan ji welatên dagirker  û DAÎŞê paşve vegerîne…, emê çawa piştgirya doza xwe bikin û emê çawa civaka navnetewî, di nav de civaka sîvîl û hikûmetan bi doza gelekî ku ji bo azadiya xwe têdikoşe binasînin, gelo bi rêya facebookê?.”

 Xwepêşander

Advertisements

Read Full Post »

Wêneyeke Jiyan ji pelika wê ya li ser Facebookê hatiye wergirtin

Zinar Ala

Huddersfield (Rûdaw) – Jiyan Xelef ciwaneke ji Rojavayê Kurdistanê ye. Berî 14 salan tevlî malbata xwe ji Qamişloyê bar dike û tê Brîtanyayê. Jiyan sala çaran ya endezyariya mîmarî dixwîne û di heman demê de jî karê wergerandinê ji penaberan re dike. Berî mehekê Jiyan tenê di nav heval û mirpvên xwe de bi pêkeniyên xwe yên derbarê civaka kurdî de dihate naskirin. Lê niha bi rêya Facebook û Youtube Jiyan rihê xwe yê komîk gihand hezaran Kurdên welêt û li diyasporayê. Me bi rêya telefonê xwe gihand Huddersfieldê, bajarê ku Jiyan lê dijî. Wê ji Rûdawê re behsa belavbûna bi lez û bez ya vîdyoyên xwe di nav Kurdan de kir.

Destpêkê Jiyan vîdyoyên xwe tenê bi hevalên xwe re li ser Facebookê parve dikir, lê di vê dema dawî de vê toreya civakî destûr da ku kesên neheval jî bikaribin bi rêya hevalên xwe navaroka tiştên parvekirî bibînin, ev jî bû sedemek ku Jiyan bêhtir bê naskirin: “Rojekê min dît ku gellek daxwazên hevaltiyê ji min re tên û vîdyoyeke min bi sedan car hatiye parvekirin, vêca min biryar da ku ez pelikeke xwe vekim.” Piştî mehekê vîdyoyên wê li ser Youtubê bi deh hezaran caran hatin temaşekirin, hejmara şopgerên wê roj bi roj mezintir dibe. Vîdyoya “Pîrka me û Skype” bêhtirî 17 hezar caran hatiye temaşekirin.

“Li mala xwe rûniştiye û henekê xwe bi xelkê dike”

Jiyan rojane bi dehan şîrove û nameyên piştgiriyê werdigre. “Xortekî biçûk ji Qamişloyê ji min re gotibû ku her ku elektrîk digihije mala wan, ew vîdyoyên min temaşe dike û ji min re behsa  rewşa xelkê dike, ji min re gotibû: dixwazim ku tu skêtçekî çêbikî ji bo ku bêhna me pê fereh bibe”. Lê piştgiriya mezin ji dêbavên xwe distîne, Jiyan balê dikşîne ser rola bavê xwe di avakirina kesayetiya wê de: “Dema zarok bûm bavê min ez dibirim  cihê karê xwe û ez dixistim nav nîqaşên civatan, wî herdem digot: Ka hele em nêrîna Jiyan bistînin”.  Lê li aliyê din jî rexneyên wek “Li mala xwe rûniştiye û henekê xwe bi xelkê dike” û “Te Kurd hetikandin” gihîştine ber guhê wê. Digel van rexneyan Jiyan dibîne ku komediya şêweyekî guncaw e ji bo rexnekirina civakê. “Ez rexneyan li hin adetên civakî dikim, berê ez bêdeng dimam li hemberî tiştên ku ne bi dilê min bûn, ji bo ez kesî aciz nekim, lê piştre min xwe dixist rola pîrekê yan jî zarokekî û min zarî xelkê dikir û şaştiyên wan dianî ziman, ew jî bi vê yekê dikeniyan. Bi rêya henekan mirov dikare nêrîna xwe anjî rexneyên xwe bi awakî baştir bigihîne xelkê. Em Kurd piştî sê xulekan ji danûstandinê, ku em nagihijin encamekê, em dengê xwe bilind dikin û hema dibe şer”.

Jiyan derbarê perwerdekirina zarokên kurd de vîdyoyek weşand û ji ber bikaranîna zarokan di warê siyasetê de acizbûna xwe anî ziman. “Divê zarok zarotiya xwe bijîn, min di vîdyoyekê de behsa wê yekê kiriye ku zarokên kurd piştî  ji dayîk dibin hema çêrî siyasetê dibin lê zarokên cîhanê çêrî çîrokên weke Berfa spî û Sîndrêlayê dikin.”

“Soranî zaravayekî gellekî nazik e, fêrbûna wê jî pirr hêsan e”

Hevalên Jiyan yên soranîaxêv jî gellek in, ew bi rêya karê wergerandinê fêrî zaravayê soranî bûye. Ji ber wê jî ew di vîdyoyên xwe de baş zarî zaravayê soranî dike. “Soranî zaravayekî gellekî nazik e, fêrbûna wê jî pirr hêsan e. Yanî Kurd hinekî xwe biwestînin dikarin bi herdu zaravayan  biaxivin”.

Jiyan xema rewşa civaka kurdî dikişîne, ew amade ye ku hevkariya televîzyoneke kurdî bike ji bo ku programekê li ser jiyana civakî ya Kurdan çêbike. Ew dibêje “civaka me ji hev dikeve, li başûrê rojava di warê siyasî de em çar mîlyon in lê 14 partiyên me hene, di hundirê malê de jî kes li kesî guhdar nake. Hez dikim programeke min ya civakî di televîzyoneke kurdî  hebe, nemaze derbarê zarokan de, divê em zarokên xwe ji bo pirsgirêkên pêşerojê bêhtir amade bikin”.

Li ba Jiyan hîn gellek  boçûn hene ji bo çêkirina skêçan, wê çend caran serdana  welêt kiriye û jiyana xelkê ji nêz ve naskiriye, herwiha li gellek welatên Ewropayê geriyaye û şeweyên jiyana Kurdên diyasporayê  baş nas dik. “Ez gellekî nêzîkî civaka kurdî me, dikarim bi soranî û badînî jî gellek vîdyoyên komîk amade bikim”

Ji bo dîtina xebatên Jiyan navê pelika wê li ser Facebookê “Jiyan Khalaf” e û navê kanala wê li ser Youtube  “Roj Bash” e.

Read Full Post »

Me ji we re beşekî ji nivîsa Sazan  di The Guardian de wergerande Kurdî.

“Min nirîna xwe derbarê netewbûnê guherand”*

Weke Kurdeke Îraqî li Australya, hestên netewî li ba min tune bûn, lê piştî ku ez hatim Kurdistanê, êdî bi çavekî cuda li tiştan dinihêrim.

Eger we berî deh salan ji min pirs kiriba, ez kî bûm? Minê bigota: “Ez kurd im, lê bê welat im. Ez îraqî me, lê ne hemwelatiya vê welatî me, ji ber vê yekê… ez diramin ku ez ji Australya me”.

Ji bo netewek ku  ji axaftina  bi zimanê dayîkê, jiyanadina çanda xwe û lixwekirina cilên tradîsyonal hatibû mehrûmkirin, ji bo netewk bûye qurban ji jenosîd û paqijkirinên etnî re, ez bi empatî, bi pêwendiyeke sihrî, dihesim.

Ez êdî napejrînim ku welatê min careke din bibe qurban, dema tawanên neberpirsyar têne kirin ez aciz dibim, her ku tê bîramin ku Kurd netewa herî mizin di cîhanê de ne xwedî welat in, ez  diêşim. Belam gava ba rengên , spî, kesk, so rû zer dilivîne, bi serbilindî, dihejim, hestekî weke ku perçeyeke ji min li ezmanê hêşîn difre.

Min darek çand û ez optîmîst im ku dibe rojekê zarokên min di bi siya wê de bilîzin.  Ez dixebitim û dizanim ku tiştekî ji xelkê xwe re dikim,…. Ez têgihîştim ku ez amade me ji bo dayîna qurbanekî wek çawa ew kesên ku qurban  pêkêşî min kiribûn ta ku ez rojek wek vê rojê bibînim…

Avesta / Zinar

* Ji bo xwendina tevahiya gotarê: I’ve changed my mind about nationalism

Nûçeyek têkildar:

Brîtaniyek bi cilên Kurdî

Read Full Post »

Michelle Thompson tevî hevalê xwe

Michelle Thompson tevî hevalê xwe

AVESTA – Michelle Thompson bi sîndroma gurrbûna zayendî ketiye, piştî salên dûr û dirêj Michelle êdî hevalekî xwe peyda kiriye ku pêdiviyên wê têr bike.

Michelle Thompson 43 salî tekez dike ku ew rojane bi 300 orgazm dihese, ew li her derekê û di her wextekî de bi orgazmekî dihese…

Michelle Thompson, ji Newsoftheworld, gotibû ku hemû mêr di dawî de jê diwestîn.

Jina Brîtanî Michelle Thompson piştî cefayê salan êdî rastî zilamê munasib hatiye, ew jî cînarê wê ye Andrew Carr 32 salî, ew rojane 10 caran seksê dikin.

Michelle Thompson got: “Ev bû demeke dirêj ku ez li zilamekî weke Andew digerim, niha jî ez dihesim soykê ez li ezmên im”.

Avesta / Zinar

Read Full Post »

sê biraAvesta – Nûçeya kujtina keça kurd Tulay ji aliyê bavê xwe û hevkariya apên xwe duh di medya înglîzî de hatibû weşandin û heya niha di medya Spanî û înglîzî de nûçe tênê weşandin.

Bi dehan malper û rojnameyên cîhanî nûçe li ser kujtina Tulay Gorem weşandin û heya niha, her ku saetek diçe nûçeyek tê weşandin li ser vê bûyerê.

Di sernivîs û berferhiya nûçeyan, her wiha di bin wêneya Tulay peyva Kurd hatibû bi cih kirin, heya ku li Çîlê nûçe li ser kujtina Tulaya Kurd hate weşandin

Me çend sernûçe ji rojname û ajansên herî navdar li cîhanê berhevkirin:

The Daily Mirror: Tulay Goren ser destê bavê xwe hate kujtin ji ber hezkirin mêrê şaş

El Mundo: Tulay wenda nebû: Hatibû kijtin ser destê bavê xwe

Dailymail: Dayîk got: Keça wendayî qurbana kujtina bi navê namûsê bû

BBC NEWS: Keça nûçiwan “li ser destên bavê xwe hate kujtin”

Europa Press û Reuters: Kurdekî bi kujtina keça xwe tê tawanbarkirin ji ber pirsa namûsê

Avesta / Zinar

Foto: BBC / Mehmet, Elî û Cuma Goren

Keça Kurd Tulay li ser destên bav û apên xwe hatibû kuştin

Read Full Post »

AVESTA – BBC NEWS di derbarê geşbûna hunerê li Herêma Kurdistanê reportajekî weşand.

Nûçegîhanê BBC li Herêma Kurdistanê Jiyar Gol di reportaja xwe de dibêje: “Li Îraqê em wêneyên sertiyê û teqînan dibînin, belam li vir li Kurdistana Îraqê teqîn di warên din de hene,  teqîn di Hunerê de (wênekêşî, şêewkarî û drama) heye”.

Jiyar Gol  behsa hatina hunermendên kurd ji Îranê heya Kurdistanê ta ku ji atomosfera azadiya ramanê sûdê werbigrin.

Jiyar Gol ligel hunermendek ji rojhilatê Kurdistanê hevpeyvînê dike û li ser xebata wî a hunerî diaxive.

Hunermendê Kurd Seywan Saîdyan wênekêş e, şêwekar e û şanoçêker e jî.

Seywan Saîdyan pêşengehên xwe li ser gundan digerîne û pêkêşî gundiyan dike.

Yek ji xebatên wî yên dawîn şanoyek bi navê “Diyalog” ku li ser dikê şanoyekê li Hewlêrê hate pêşkêşkirin.

“Diyalog” behsa gendeliya siyasî, borukrasî û seksê dike.

Seywan Saîdyan xebatên xwe di derbarê rexnekirina civakê li cadeyan û li hember çavên polîsan jî pêşkêş dike.

AVESTA – Zinar Ala

VÎDYO

Read Full Post »

AVESTA – Malpera “Twitter”serkeftinên xwe berdewam dike û roj bi roj bikahênerên nû, navdar û xwedî prestîj qezenc dike.

Niha jî Şaha Brîtanya di Twitter de ye.

Qesra Buckingham wê bikarhênerên Twitter bi çalakî û buyerên Monarşiya brîtanî  agahdar bike.

Di vê kêlîkê de 5.589 bikarhêner nûbûnên  pelika Monarşiya brîtanî dişopînin. Hejmar wan jî herdem bilind dibe.

Lînkê pelika Monarşiya Brîtanî: http://twitter.com/BritishMonarchy

Read Full Post »

Older Posts »

%d bloggers like this: