Feeds:
Posts
Comments

Archive for the ‘Venezuela’ Category

Foto: Ji malpera serokê Venezuela Hugo Chávez hatiye girtin

Di zarokatiya xwe de min weke hemû zarokên dibistanan li Suriyê bang dikir “Ta ebed Ta ebed serokê me Hafêz El-Esed”, her wiha solganên weke “Bi can bi xwîn em goriyê tene Hafêz”.

Piştî wê J di nûciwaniya xwe de, li şûna serok Hafêz El-Esed serok Apo şûnê girt, û me slogana “Bi can bi xwîn em bi te re ne ey serok” digot, lê dema hinek aqil kete serê me û me fam kir ku “çanda bijîkirinê” çandeke paşvemayî û tenê kesên kole peyda dike, êdî me dev ji van sloganên vale berda.

Di sala 2000an dîktatorê berê Hafêz El-Esed mir û kurê wî Beşar şûnê girt, baş tê bîramin carekê dema me dersên amadekirina leşkerî distand, generalekî  serdana fakulteya me kiribû, dema ew kete hundirê hola mezin min rabû beşekî ji helbestekê li ser Beşar xwend, piştî wê jî hemû kesên di salonê de li çepikan xistin. Lê gelek hevalan dizanî ku min ne ji dilê xwe de vê helbestê digot û min xwestibû ku hinekî Show di hundirê holê de bikim.

Berî çend rojan min axaftineke serokê Venezuela Hugo Chávez derbarê giringiya serokatiya Beşar El-Esed di rojhilata navîn de dît  û çawa kesên “çepikvan” piştgiriya   axaftina wî dikirin, wan rojên bijîkirinê hatin bîramin, min digot qey tenê li rojhilata navîn ev çand heye.

Yekî ji kesên hazir di salonê de rabû ser piya xwe û ji serokê Venzuela re got: “Rihê min, gewdê min û xwîna min ji bo vî welatî,  ji bo şoreşê, hûn her bijîn  û bijî Beşar El-Esed, bijî Suriyê…”

Chávez jî got “Viva Beşar El-Esed” ango “Bijî Beşar El-Esed” û ser kesayetiya wî û yê bavê  wî  bi awakî xweş axivî, li hêlê din jî ez li Beşar û Esmaa dinêrim, li rûkeniya wan mêze dikim, nizanim ji ber dîtina ev şanoya Venezuelî  yan jî  ji ber axaftina Chávez li kêfa wan dihat.

Tê zanîn ku serokê Suriyê di heyva bihorî de serdana Kuba, Venezuela, Arjantîn û Brazîlê kiribû ji bo îmzekirina peymanên aborî û ji bo şikandina zincîra tenhatiyê ku li dor deshilata Suriyê hatiye gerandin.

Têbînî: Di vîdyoya duyemîn de Chávez nîşana “Têkoşerê Azadiyê” dide serokê Suriyê û wî weke “yek ji têkoşerên azadiyê ya cîhana nû” dibîne.

Advertisements

Read Full Post »

Tele Sur, televîzyona navdar li baûşrê Amêrîka,  bi rêya du pêkêşvanên xwe nûçeya  topbarankirina balafirên artêşa tirk ji baûşrê kurdistan re ji temaşevanên xwe re şîrove  dike.

Nûçe êrîşa li ser kampên PKK û mirina çar kesan di vê êrîşê de vedibêje.

Ev vîdyo  di hefteya çûyî de hatibû weşandin.

Read Full Post »

Chavez û Obama

AVESTA – Duh serokê Venezuela Hugo CHavez û serokê DYAyê Barack Obama li civînekê bilind li komara Trinidad û Tobago rastî hev hatin û bi germî silav dan hev.

Duh li komara “Trinidad û Tobago” ya ku li deriya Karîbê dikeve, civîna bilind ya pêncemîn di navbera herdu perçeyên amerîkayê (bakur û başûr) hatibu lidarxistin.

Gorî ajansa Europa Press, Obama nêzîkî Chavez bû û silav da wî, Cahvez bi Obama re  behsa ferqa ku di navbera wî  û George W. Bush de heye kiribu.

Chavez daxwaza xwe bi başkirina têkikliyên di nabera herdu welatan nîşan kiribu û ji Obam re got: “Ez dixwazim bibim hevalê te”.

Obama, ji aliyê xwe ve, serokê Venezuelayê di derbarê daxwaza hevaltiya wî spas kiribu.

Tê zanîn ku di navbera Hugo Chavez û serokê berê yê DYAyê George W. Bush  neyartiyek mezin hebû, heya ku carekê Chavez di axafitineke xwe de li navenda Netewên Yekbûyî ji Bush re gotibu ku ew şeytane.

Amadekar: Zinar Ala

Read Full Post »

Karakas (Venezuela) / Avesta –  Dîrektora Weşanên ALFA, di nameyeke xwe de,  spasiya xwe ji bo malpera Avesta re bi rê kir , jiber   Avesta yekmîn medya di cîhanê de bû ku nûçeya çapkirina pirtûka nîvîskara venzuelî Carol Prunhuber weşand. Her wiha dîrektora  ALFA  kêfxweşiya xwe ji weşandina nûçeyê bi zimanê kurdî  da nîşan, jiber ev pirtûk ji bo pirsa kurd û Kurdistanê hatiya nîvîsandin. Jiber vê yekê weşanên ALFA  pirtûka “Êş û mirina Rehmanê kurd” diyarî malpera Avesta kir.

Tê zanîn ku pirtûk hê li pirtûkxaneyan belav nebûye, berpirsyarê belavakirina pirtûkê  diyar kir ku pirtûk wê di meha îlûnê de li Ewropa were belavkirin.

Read Full Post »

London / Avesta – Di 22ê tîrmeha bihurî de Carol Prunhuber konferanseke li ser pirtûka xwe a dawî “Êş û mirina Rehmanê kurd: xewna Kurdistan” li parlamentoya brîtanî (House of Lords) li dar xist. Her wiha parlamenterê brîtanî Jeremy Corbyn û profesorê kurd Saîd Şems beşadrî konferansê bûbûn.

Di aynî rojê de grûpek ji parlamenterên brîtanî biryar dabûn ku dê ji dewletên Yekîtiya Ewropayê bixwazin ku înformasyona bi dest wan de ketiye ser kuştina Dr.Qasimlo û hevalên wî bide ber çavan û çap bike.

Ev hevdîtin ji aliyê PDK Îranê û bi piştgiriya 9 rêxistnên cuda ji kêmnetewên Îranê hatibû organîzekirin, hêjaya ku em bînin ziman ku hevdîtin ji aliyê Lord Eric Avebury ji Grupa Mafê Mirova ya parlamana brîtanî hatibû bi rêvebirin.


“Carol Prunhuber pirtûka xwe nîşanî Lord Eric Avebury dike”

Têbînî: Hûn dikarin bi ferhehî ser pirtûka Carol Prunhuber di Avesta de bixwînin (Beşa Berhemên Nû meyza bikin).

Amadekirin: Zinar Ala

Read Full Post »

Venzuela-Caracas, Piştî ku serokê Vezuelayê Hugo chávez hat serdana Spanyayê, hevdîtinek tev patîşahê Spanyayê Juan Carlos çêkir û dawî li şerê ku navbera wan pêk hatibû berî çend mehan anî. Tê zanîn di wê civînê ku li welatê Chîlê de pêk hatibû Hugo Cháves êrîşî serokwezîrê Spanyayê ya berê Josê María Aznar kir û wî weke mirovekî Faşît bi nav kir, lê Patîşahê Spanyayê Juan Carlos ev gotin ne pejirand û bi Hugo Chávez re got: “Bo çi tu devê xwe nagirê”.

Hugo Chávez her wiha hevdîtienk tev serokwezîrê Spanayê José Luís Rodríguez Zapatero civiya û gelek peyman îmze kirin ji bo pêşketina pêwendiyên bazirganî nav bera herdu welatan.

Serokê Venzuelayê di programa xwe de ya heftane “Alo serok” di televîzyona venzuelî de qamîsekî nîşanî temaşevanên xwe kir , û got ku patîşahê Spanyayê ev qamîs diyarî wî kir. Li ser qamîsê de fotografekî hatiye neqiskirin, ev fotograf behsa şerê devkî ku navbera wan qewimî.

Win dikarin di vê vîdyoyê de va şera devkî bibînin.

Read Full Post »

Qabê pirtûkê / Foto: Z.A

Ma kî xemê kurda dixwe? Bi vê pirsê edîtorialên ku bi zimanê îspanî pirtûkan diweşînin bersiv didan nîvîskara venezulayî Carol Prunhuber gava li derya wan dixist jibo weşandina destnivîsê pirtûka xwe ser Serokê nemir Dr. Ebdulrehman Qasimlo.

Pirtûk bi navê “Êş û mirina Rehmanê kurd” li sala 1992 an hatibû nîvisandin, lê ev pirtûk tenê di vê heyvê da roj dît, spas bo weşanên Alfa ku biryara çapkirina vê pirtûkê dabû.

Di sala 1985 an de Carol Prunhuber berê xwe dabû rojihilata kurdistan ê jibo çêkirina hevdîtinek tev Dr. Qasimlo, piştre li ewropayê gelek car hevdû dîtin.
Prunhuber ser Qasimlo dibêje: «Ne bes serokê rêxistinek çekdarî bû, her wisa mirovek gelek jîr û zana bû, bi heft zimanan diaxivî, ji romana navnetewî gelek hez dikir û her wisa gelek helbestan dixwend»

Prunhuber di pirtûka xwe de gelek hevpeyvîn çêkirin bi siyasetmedarê dunyayê re, wek nimune, wezîrê derveyê Fransayê Bernard Kouchner yê ku ser Qasimlo wiha dibêje: «di nav kurda de wek wî tune bûn, ew xwediyê fikr û ramanek navnetewî bû»

Prunhuber ser doza ku parlementerê nemsawî, ji partiya keska, Peter Pilz li dijî rejîma îranî vekiribû, wisa dibêje : «Serokê aktuel ya Îranê Mehmûd Ehemdî Necat tev Haşimî Refsencaî kuştina Dr.Qasimlo plan kiribûn».

Di pirtûka nîvîskara venezulayî gelek şehadet hene ser mirina Qasimlo, her wisa behsa mirina Sadiq Şerfkendî, sekreterê berê yê PDKÎ, ku li Berlînê hatibû kuştin.

Pirtûka Carol Prunhuber bi rêkûpêk hatiye nîvîsandin, her buyerke bi dîkomentan bêlî kiriye, gelek guncaw e ku bu bibe fîlma sînamayê.

Têbînî: Min bi riya telefonê tevlî rojnemevanê baskî Manuel Martorell , yê ku du pirtûk û zêdeyî 500 gotar ser kurda nîvîsandiye, axivî û me dixwest em nirîna wî ser Carol Prunhuber nasbikin. Manuel wisa persiva me da: « min Carol berî 20 salan naskir, ew gelek ji Dr. Qasimlo hez dikir û tim dixwest pirtûkek ser wî binîvîsînê. Ev nûçeyek gelek mezin e ku Carol gihêşt mirazê xwe û her wisa ev xebatek granbuha ye ji bo azadiya kurd û Kurdistan »

Çavkanî: Humberto Márquez

Read Full Post »

%d bloggers like this: