Feeds:
Posts
Comments

Archive for the ‘Turkiyê’ Category

fidanleylasakine

Piştî gengeşiya ku di medya baskî û spanî de hatibû gotûbêjkirin ji ber destêwerdana balyoza Tirkiyê li Madrîdê di karûbarên Parlemena Baskê de ji bo ku piştgiriya Kurdan neke, dîsa di medya Spanî de mijar ji nû ve hate gengeşekirin. Ew jî ji ber ku însiyatîva ku ji aliyê Grûpa EH Bildu hatibû pêşkêşkirin ji aliyê Parlemanê hate pesendkirin. Di rûniştina Komisiyona Karûbarên Ewropî û Çalakiyên Derveyî ya aprlemenê di hefteya borî de û piştî  lihevkirinek navbera herdû hêzên sereke di Parlemenê de PNV (Partiya Netewperest ya Baskî)  û Grûpa Eh Bildu yê ku li gorî medyaya spanî bi nêzîkatiya xwe ji rêxistina ETAyê (Welatê Bask û Azadî)  tê naskirin Parlemana Bask li dawiyê kuştina her sê çalakvanên PKKê Sakîne Cansiz, Fîdan Dogan û Leyla Soylemez li Parîsê şermezar kir. Her wiha Parlemen biryar da ku wê konsolxaneya Tirkiyê li bajarê Bilbao (paytexta aborî ya Welatê Bask) agahdar bike bi piştgiriya xwe ji bo pêvajoya danûstandinê di navbera Hikûmeta Tirkiyê û nûnerên Kurdan, li gorî teksta parlemenê “Divê ku ev pêvajo bi naskirina rastiya netewî ya Kurdistanê bi dawî bibe”

Her wisa biryara parlemenê piştgiriyê  dide Kurdan, nemaze ew heval û xizmên ew jinên kuştî û bang li nûnerên gelê Kurd kir “Ta ku li rêyên diyalog û danûstamdinê bigerin ji bo ku çareseriyekê bibînin, çareseriyek dadmend, aştiyane û demokratîk ji bo bidawîkirina êşa ku gelên Tirkiyê û Kurdistanê di gellek salan de kişandine”. Li dawiyê jî Parlemen ji Encûmena Ewropî daxwaz kir ku xwe têxe nav pirsgirêka netewî ya Kurdistanê û çareseriyeke aştiyane ji pirsgirêkê re bibîne, her wisa ji bo ku Tirkiyê bibe beşekî ji Yekîtiya Ewropayê divê rêzgirtina mafên mirovan û çavderêiya li ser mafên siyasî û çandî yên gelê kurd weke şertên girîng bin.

Di biryara Parlemena Baskê de ya derbarê şermezarkirina her sê çalakvanên Kurd rojnameya El Mundo bal kişandibû ser polemîka wergerandina peyva ‘gaitzetsi’ ku  bi zimanê baskî (euskera) wateyên wê yên curbecur hene di nav wan de jî şermezarkirin e, lê ev lêker weke “redkirin” di versiyona spanî de hatiye wergerandin.

Parlementera PNVê María Eugenia Arrizabalaga ji El Mundo re axivî û bal kişand li ser “erêniya lihevkirina partiya wan ligel Eh Bildu di pesendkirina pêşniyarê  bi zimanê baskî  ji bo ku pêrgî polemîkan neyên di derbarê bikarnîna ev peyva rastgir”. Arrizabalaga tekez kir  li ser wateya peyvê  ya ji bo şermezarkirinê digel ku wergera spanî ji peyvê re weke “redkirin” hate qebûlkirin lê  mebesta wan ji bikaranîna lêkera “gaitzetsi” şermezarkirin bû.

Li aliyê din jî parlementerên partiyên opozîsiyonê berê rexneyên xwe dan Koalisyona deshilatdar li Welatê Bask (ku ji PNV û Grûpa EH Bildu pêk tê) û wan  bi “dûrûtiya” tawanbar kirin û jê daxwaz kirin ku “berî her tiştî êrîşên ETAyê ya li dijî siyasetvanan Welatê Bask hatibûn kirin şermezar bikin”.

Tê zanîn ku di dawiya sala borî de grûpa baskî ya bi navê Amaiur li Parlemena Spanyayê  bo cara yekemîn pirsa kurdî xistibû rojeva Parlemena spanî û daxwaz  ji Parlemenê kiribû ku serî li Tirkiyê bide ji bo rêzgirtina mafên mirovan nemaze mafên girêdayî bi doza netewa Kurd, lê di encama dengdanê de tenê partiya Çepê Yekirtî (IU) destek dabû pêşniyara

Amaiurê. Li aliyê din partiya Gel (PP) ku partiya deshiladar li Spanyayê li dijî pêşniyarê derket, partiyên dijbere yên serke wek Partiyê Karkeran a Sosiyalîst (PSOE) û partiya deshilatdar li Katalunya (CIU) beşdarî dengdanê nebûn.

Advertisements

Read Full Post »

Yusuf Sayman

“You Are Turkish” ango “Tu Tirk î”  belgefîlmeke nû ji derhêneriya rojnamevan Yusuf Sayman e, belgefîlm rewşa Kurdan di salên 80î û 90î de li bakurê Kurdistanê vedibêje.

Wênekêş Yusuf Sayman ku li New Yorkê dimîne di buhara 2010 de serdana bakur û başûrê Kurdistanê kiribû ji bo kişandina fîlma xwe.

Yusuf Sayman  ronahiya kamîraya xwe dide ser kesên ku rastî êşkencekirinê hatibûn, ew li ser şêweyên êşkencekirinê di hebsa Diyarbekirê de diaxvin.

Belgefîlm bal dikşîne ser qedexekirina ziman û nasnameya Kurdan,  valakirin û şewtandina gundan, kujtina ajalan, koçberî ber bi metrepolan ve û her wiha behsa  penabertiya Kurdan li kampa Maxmûrê dike, cihê ku dîsa destê kujeran digihêje wan.

Di dokumentarê de, ji bilî hevpeyvînan, wêneyên balkêş  hatine bi cihkirin ku trajediya Kurdan ji temaşevanan re baş vedibêje.

Sayman derbarê naskirina  gunehên dewleta Tirk pispor e nemaze ku bavê wî kevneserokê komeleya parêzeran li Stenbûlê bû, ew jî neçar mabû ku di salên 70î de  sorgûn bibe.

Wêneyek ji belgefîlmê

Yusuf Sayman  pêşangeh li Nueva York, Berlîn, Amersfoort (Holanda) û li Çînê jî çêkirine, wêneyê wî di gelek  rojname û kovar hatine weşandin

Hêjayê gotinê ye ku fîlm di 14 tîrmeha bihorî de li  Kings College li Londonê de hatibû nîşandan.

Fîlm bi Tirkî û Kurdî ye, her wiha jêrnivîseke bi zimanê îngîlîzî heye.

Dirêjahiya fîlmê: 12.30 xulek in, fîlm li ser vê navnîşanaê tê temaşekirin:

www.ysayman.com/youareturkish/

Foto: Yusuf Sayman

Read Full Post »

Kurdocide Watch

Organîzasyona mafê mirovan ya li dijî qirkirina gelên Kurdistanê

Navenda Helebceya Şehîd ya li dijî jenosîdên Kurdan û Enfalê- CHAK

Xwedi li Dr. Ismail Beşikçi derkev

Kovara “Çagimizda Hukuk ve Toplum” ê, di hejmara Zivistana 2010, 59/ an de, nivîsa Sosyolg Dr. Ismail Beşikçî  weşandî ye. Nivîs li ser mafê çarenûs yê kurdan xwe bi xwe ye.

Ji ber vê nivîsê, 11 mîn Dadgeha Cezayê Bilind, li alim, mamostê me û endamê rumetê yê Kurdocide Watch-CHAK, Dr. Ismail Beşikçi doz vekirîye û mahkema wî dom dike.

Yek ji mercên bingehîn yên demokrasî û zanyarîyê, mafê azadîya raman e. Bêyî mafê rexne û azadîya gotinê, zor û çavsorî dê her desthilar be. Darizandina Dr. Ismaîl Beşikçi çavsorîya ku li Tirkî heye diyar dike.

Kurdocide Watch-CHAK bi komele, hevkar û dostên xwe ji serî ve pirsê dişopîne û li ser pirsê deverên pêwîst hişyar dike. Agehdarkirina gelek welatan û Turkiyê li ser pirsê didome. Kar û xebata me li ser pirsê ji awira netewî û navnetewî berdewam dike.

Li dijî vê neheqîyê bêdeng nemîn!  Ji bo mafê azadîya ramanê xwedî li Dr. Ismail Beşikçi derkev!

KURDOCIDE  WATCH – CHAK

Read Full Post »

Wêne û agahî: livinginnowhere.blogspot.com

Hevaleke me ku niha li bakurê Kurdistanê  ye wêneyeke balkêş ji kolanên  Amedê  kişndiye û daxistiye  ser bloga xwe.

Wek hûn dibînin di wêneyê de  posterek heye ku dixwaza bal bikşîne li ser doza “zarokên terorîst”.

Li ser posterê  wisa hatiye nivîsandin:

“Ev tekane welat ku cejna zarokan pîroz dike, lê di heman demê de jî ev tekane welat ku zarokan bi vî temenî  ceza dike”.

Read Full Post »

Read Full Post »

Foto: Sakîna Arat di televîzyona Spanî de

Dayîka Aşîtiyê  Sakîne Arat ku Serokwezîr di civina bi nûnerên rêxistinên civakî yên sivîl de gotinên wê wekî mînak dabû nîşandan, destnîşan kir ku ev 8 sal in, ji bo hevdîtinê diçin ber piyê Serokwezîr lê ew nehatine qebûlkirin.

Arat, bang li Serokwezîr kir û wiha got, “Hûn dê operasyona bi dawî bikin û dilê dayîkan rehet bikin an na? Eger aştî pêk bê çi ji destê me bê em dê bikin. Pêwîst be em dê bimirin, anek me heye bila ew jî qurbanê ciwanên vî welatî bibin”.

Dayîka Sakîne, bang li Serokwezîr kir got ku eger ew vî şerê bide rawestandin, ew dê bang li hemû jinan bikin ku dengên xwe bidin Erdogan. Lê divê Serokwezîr soza mêran bide. Bila operasyonan paşve bikişîne û êdîn ne gerîlla ne jî leşker nemirin. Zarokên kurdan li leşkeriyê dikuşin û dibêjin întîhar kiriye wijdana van tuneye. Heyfa van ciwanan e.”  ANF

Dayîka aşîtiyê Sakîne Arat di televîzyona Spanî de (Foto)

Read Full Post »

Foto: pdk-xoybun.com

Hunermenda Kurd Hozan Canê, jibo xebatên kaseta xwe, di deriyê Edirneyê derbazî Tirkiyeyê bû, hat binçavkirin.

Hunermenda Kurd ya li Elmanyayê dijî, Hozan Canê jibo xebatên kaseta xwe di deriyê Edirneyê re hat Tirkiyeyê û hat binçavkirin. Emniyeta Miduryeta Edirneyê diyar kir ew ji ber “Propagandaya rêxistinê” û “Endama rêxistineyê”, tê lêgerîn. Jibo Canê îfade bibe sewqî Dadgeha Ceza ya Edirneyê hate kirin. ANF

Read Full Post »

Older Posts »

%d bloggers like this: